اليكم هذا النبأ الهام من جريده الجمهوريه يوم لاثنين الماضى الموافق 19من فبراير تحت عنوان
فى حادث الكلاب بفندق موفيمبيك
والده حبيبه :الكلاب افترسى ابنتى والحراس بتفرجون
بدأت نيابه 6اكتوبر أمس تحقيقاتها فى حادث الكلاب الأمير تركى بن عبد العزيز على الطفله حبيبه سعيد محمد السيد (7سنوات)داخل فندق موفيمبيك مدينه 6أكتوبر وتبين ان ثلاثه كلاب هاجمت الطفله داخل حديقه الفندق أثناء لعبها فى المراجيح مع شقيقتها الصغرى فرح (5سنوات)وعضتها فى وجهها وأماكن أخرى بجسدها بينما وقف حارسهم فى احدى الشرفات واكتفى بالفرجه.
كان قد أصحب الدكتور سعيد محمد السيد مع زوجته وبناته الثلاثه التى أكبرهم هى حبيبه ليقضوا عيد الحب فى فندق موفيمبيكبينما كان يلاعبا الطفلتين حبيبه وفرح وفجأه وبدون أى مقدمات هاجم الثلاثه كلاب على الفتاه حبيبه ولوا رعايه الله لهاجمت الطفله الصغيره أيضا
وصف الاب بأن عيد الحب تحول الى حزن شديد بسب كلاب الأمير.
عايز أفهم يعنى سعادته سمو حصره البنى أدم الامير ده جاى مصر عشان (يتفسح فى أم البلد دى ) جايب معاه الكلاب دى ليه انشاء الله
ولما أنت جايب أصحابك الثلاثه معاك وسايهم كده ليه أنت ما سمعتش عن أن الكلاب بتعض ولا أنت صحيح أمير ما جربتش ألم عضه الكلب الواحد تخيل بقى-لو عندك قدره على التخيل-ثلاثه كلاب.
هكذاضحيه-جديده أدعوا لها بالشفاء-من ضحايا الامراء اللى فاكرن نفسهم مش بشر زى باقى الناس ضحيه جديده تماما مثل ضحيه الامير القطرى اللى موت أسره مصريه على طريق المطار سافر لبلده من غير ماحد يقوله بتعمل أيه أصلا ؟واتحكم فيها الطالب المصرى
هى سلسله وان تنتهى طالما الموضوع بيعدى وكله عادى
عادى
16 comments:
معرفش ليه مصر حظها وحش كدا...يعنى العرب بينداس عليهم م الغرب ومصر بينداس عليها م الغرب والعرب...حاجه بقت مقززه ومحبطه..لما شبابنا اخوك واخويا وصاحبى وجارى يروح يشتغل عندهم وكلنا عارفين الذل اللى بيشوفوا...واللى زاد وغطى انهم ييجوا بلدنا ويبرطعوا فيها زى ما هما عايزين...معلش احنا اللى طاطينا عشان الفلوس بس لازم التحقيق دا يتاخد بشكل حازم جدا والا...والا...حط مكان النقط حاجات كتير واتخيل زى ما انت عايز ممكن يحصل فينا
مش بس حظ الموضوع موضوع أن أحنا مطاطين فعلا
الموضوع ده مأثر فيا عشان كده أنا مضايق منه جدا
كفايه بقى نسكت
دى بقت حاجه صعبه اوووووووووى يعنى جق المواطن المصرى ضايع بره وجوه خلاص بقينا بنتعامل على اننا حيوانات والعرب والاجانب هما اللى جرينا طب والله الحيوانات بتتعامل احسن مننا
الامير تركى ده انا مبقبلوش خالص كل مواقفه غريبه
وربنا يرحمنا ويتوب علينا بقى
" وطاطى طاطى انت فى بلد ديمقراطى"
ياه
ده احنا كده من زمان اوى
Dodyفى بلد ديموقراطى فنسكت هى دى الديموقراطيه بتاعت بلدنا
طب والله الحيوانات بره بتتعامل أحسن منا
----------------------------------
أجدع واحد في الشارع: من زمان بس لازم نوقف الكلام ده
دمى ودمك مش ببلاش
احنا اللى رضينا بالخضوع والخوف من السلطة والنفوذ وبقينا لقمه سهله اى حد يسيب حيواناته ينهشوا فينا واحنا ساكتين
بسم الله الرحمن الرحيم
السلام عليكم ورحمة الله وبركاته
شيء محزن صراحه ما حصل لهذه الطفله
الله يشفيها
والله يصلح أوضاعنا
شكرا أخوي في الله
دمت بطاعة الله
jerry : دورنا اننا ما نسكتش
صح ولا ايه؟
---------------------------
عـبدالله: يارب أشفيها ياااااارب
أدعليها هى محتاجه للدعاء والله كلنا محتاجين للدعاء
على فكرة انا مضايق اوى ومتنرفز اوى علشان الموقف ده
والله بجد
والله معاك حق كفايه بقى نسكت
الناس دى عايزة ولا بتفكر ازاى
لازم كل الكلا ب تموت
مهم يااما نبقى كلنا كلاب
يااما تموت الكلاب
الحرية للعريف الوطني محمد خلف
الســـاحر:يا عم أحمد ربنا أن الموضوع اتفتح أنا افتكرت أنه حيعدى كده والسلام
طب ما تكتب عن الموضوع ده حاجه كده من اللى بتكتبها انا عارف أنك تعرف تكتب فى الحاجات اللى زى دى
وأهو تغير الرومانسيه شويه
-----------------------------------
جبهة التهييس الشعبية: تصدق مش فاهم انت عايز أيه بالظبط بس عرفت أن فى واحد أسمه محمد خلف هو أنت محمد خلف
ايه يا باشمهندس فين المواضيع الجديده؟
معرفش الامير تركي الفاسي ده ازاي سامحين انه يقعد في مصر ده مطرود من العالم كله
حاجة تقرف معرفش حالنا ده هينصلح ولا لا ربنا يستر
Dody:قريب انشاء الله
---------------------------------
Sharm:مش عارف لأ وده طلع كمان سايب كلابه تجرى فى الفندق كده بهبل
ولسه ما أنطرتش مش فاهم أزاى؟؟
-----------------------------------
Nouran: ربنا يستر بجد علينا
Post a Comment