الحب
عاطفه مشاعر احاسيس
عطاء تضحيه
مشاعر راقيه
الحب الحقيقى هو اللى يحلى مرار الايام
المشكله أن الحاجات دى كلها تديها لأى حد من غير ماتاخد بالك
مين اللى يستاهل المشاعر دى
مين ؟
من أول نظره غير لى سنينى
مستحيل
أزاى؟؟الحب من أول نظره مايبقاش حب
ممكن ارتياح أو اعجاب
أحيانا نحب فجأه أمتى وفين وازاى؟
أنت مع الحد ده كل يوم تقريبا أمتى المشاعر دى اتحركت؟
وبعدين
قوينى بيك قوى قلبى عشان يعيش
المشكله انه حيضعفه مش حيقويه
تبدأ المشكله بأحساسك أزاى أحب وأنا مش عارف
طباعها وأخلاقها و....و..الخ
احترت معاك معاك ودبت أنا فى هواك فى هواك
فعلا احترت
أحبك أكرهك أعلق نفسى بيك ولا أعمل فيك أيه
وبعدين لازم اتعرف عليها وعشان تمهد الطريق تبدأ تهتم بيها
من بعيد لبعيد
نظرات من بعيد لبعيد
وابتسامه غير مفهومه
ثم مرحله الاحتمالات
ياترى أنا فى بالها ولا مش فى بالها
تقول أروح بقى عشان اكلمها
وعلى كفى شلت قلبى يا قاتل يا مقتول
تتكلم ولا تخبى حيران فكرى ومشغول
تقعد تحضر تتكلم تقول ايه وتتخيل هى حتقول أيه
تروح تقعد تتدور عليها
بدور عليكى وسط العيون مش لاقى
بدور عليكى وسط القلوب مش لاقى
ولما تلاقيها ممكن تخاف وترجع تانى
أوتروح والموضوع يمشى وممكن يبقى رفض
معقول لا مش معقول
أو
بحب مهما كان الرد
على كلا الحب عاطفه يجب الحفاظ عليها
مشاعر الحب هى من اسمى وأجمل المشاعر
بلاش تضيع
فى النهايه أحب ان أشكر كل من الدكتور أحمد (مداح القمر) على أغنيه على كفى وصديقى حازم على أغنيه بدور عليك وللصدفه الجميله أنى ملحنهم الأثنين
8 comments:
دي مش خواطر دي حالة حب حالة فيضان مشاعر
البوست شدني وقريته اكتر من مرة
وسعيد لاني صاحب اول تعليق
بص روح الها ولايهمك
يمكن هى برضه مستنيه تيجى
متحيرش نفسك وتسأل اسأله كتير فى الحب
هو كده عامل زى ضربه الشمس
هو الى بيخترنا
وملوش عمر معين
لمل يجيلك
أستمتع بيه
تحياتى
ونفسى اسمع الاغانى ألى انت لحنتها
يااااااااااه على جمال البوست والحاله
وواضح انك عايش الحاله دى وعبرت عنها بطريقه جميله
يمكن من حبى ليها خايف اقول لها..احسن ترفض و تبعد و ابقى خسرتها..و فى نفس الوقت خايف اسكت و ماقوللهاش..تطلع كانت هتقبل لوكنت صارحتها
جميل البوست دا يا محمد
فعلا الواحد مبعرفش هيحب مين وامتى وازاي
وياترى الي هيحبة دة يستاهل الحب ولا لاء
بس عاوزة اقولك لو بتحب روح وقولها على كل الي في قلبك صارحها بحبك يمكن هي كمان بتحبك متعملش زي الي فضل يحب وخايف يقول للي بيحبها لحد ماضاعت منة
ويمكن هي كمان عمالة تغني قولهالي ريح بالي قول بحبك سمعهالي
تمنياتي ليك بالتوفيق
sendbad:أنا اللى سعيد انك أول كومينت
هى فعلا حاله حب
ميرسى على كلامك الجميل
-------------------------
فى القلب:انا بجد مش فى الموضوع ده أنا بس كنت البوست ده فى حاله احساس بالمشكله مش اكتر
شكرا على الكومينت
-----------------------
المخرجه العالميه رضوى أنا مش حاسس الموضوع ده بس حبيت اكتب فيه بس يعنى
------------------------
tar7elba7r:كلامك جميل أوى بجد انت بتكتب بقى طب كويس دأنت تنفعنى
----------------------
لولا: كلامك مظبوط عشان فعلا الواحد بيحب فجأه بس المهم انه يعرف الحب ده حقيقى ولا لأ
خلاص أوكى بس ده لو بحب وناوى اروح
جميل اوى البوست بجد
اكثر من رائع
تحياتى
وصحيح اسمح لى اقول لك مبروك على النتيجه
وعاوزه اعرف ايه هى الحاجه الغريبه
مستنيه البوست الجاى
مرة اخرى تحياتى
جميل اووووى
واحساسك رائع وانت بتسرد الموضوع
الحب حياة جميله فعلاااااا
كلمات البوست رائعه اوووى
Post a Comment